28 қарашадағы матчтардың аңдатпасы

Сенбі күні қазақстандық хоккейсүйер қауым алты матчты тамашалайды.

(12:00) Ойын күнін тағы да Өскеменде «Алтай Торпедо» мен «Снежные Барсы» ашады.

(17:00) «Номад» «Торпедодан» қарымта қайтарып, турнир кестесінің көшбасшысын өзінен алысқа жібермеуге тырысады.

(17:00) Павлодарда тағы да «Ертіс» пен «Арлан» кездеседі. Кеше ойын буллиттер сериясымен аяқталды.

(17:00) "Алматы" екінші рет өз алаңында «Құлагерді» қабылдайды. Петропавлдықтар оңтүстік астаналық командамен маусым аясындағы үш матчтың үшеуінде де жеңіске жетті.

(18:00) «Ақтөбе» «Теміртаумен» бірінші ойында жеңісті уыстан жіберіп алды. Бүгінгі матч Алексей Коршковтың ұжымына қарымта қайтару үшін таптырмас мүмкіндік.

(18:00) Атырауда екінші ойынды «Бейбарыс» пен «Горняк» өткізеді.

Матчтардың басталуы елорда уақытымен көрсетілген.

Барлық матчтардың тікелей көрсетілімдерін сайтымыздан тамашалауға болады. Оларды ресурстың жоғарғы бөлігінде ойындар тізбегінен таба аласыздар.