«Торпедо» – «Горняк» матчы алдында

Жанкүйерлерді 2026 жылғы Қазақстан кубогінің жартылай финалдық жұптарымен таныстырамыз. Турнирдің шешуші ойынына берілетін алғашқы жолдама үшін «Торпедо» мен «Горняк» командалары бақ сынайды.

Өскемендіктер алдын ала кезеңді сенімді өткізіп, өз алаңындағы А тобында жеңімпаз атанды. Алексей Ждахиннің шәкірттері 4 жеңіске жетіп, бұл кездесулердің барлығын негізгі уақытта аяқтады. Ал рудныйлықтар аса тартысты өткен В тобында екінші орын алды. Соңғы ойын күніне дейін бұл топта плей-оффқа төрт команда таласты, ал «Горняк» негізгі уақытта үш жеңіске жетіп, плей-оффқа жолдама алған командалардың бірі болды.

«Торпедо» – топтық кезеңдегі ең нәтижелі (23 шайба) команда әрі қорғаныстағы ең сенімді ұжым (бар болғаны 5 шайба жіберіп алды). Сергей Невструевтің шәкірттері 19 шайба соқты – В тобындағы ең үздік көрсеткіш.

«Горняк» командасының екі ойыншысы турнир сұрмергендері кестесінде көш бастап тұр. Александр Куршук пен Тимур Шингареев 7 (2+5) ұпайдан жинады. Олардың ізін ала бұл тізімде «Торпедоның» үш өкілі келеді: Диас Гусейнов (5+1), Дмитрий Гренц (4+2) және Павел Жирнов (4+2).

Бұл текетірестің қорытындысына көп жағдайда қақпашылардың ойыны әсер етеді. Тимур Мейдер (шайбаны тойтару көрсеткіші – 96,5%) мен Антон Осокин (96%) топтық кезеңді жоғары деңгейде өткізіп, орта есеппен бір шайбадан ғана жіберіп отырды. Сонымен қатар «Торпедо» сапында тәжірибелі Сергей Кудрявцев те бар (СК – 1,5, шайбаны тойтару көрсеткіші – 92,1%).

ВКонтакте, Инстаграм < Бізге қосылып, Pro Hokei Ligasy жаңалықтарын өзіңізге ыңғайлы платформалардан оқыңыз.