Номад Горняктан қарымта қайтарды, Торпедоның камбэгі, Ертіс алғашқы балын иемденді

Қазақстан чемпионатында дүйсенбі күні үш матч өтеді.

«Номад» маусымдағы алғашқы жеңілісінен кейін дұрыс қорытынды шығарып, «Горняктан» қарымта қайтарды. Елордалықтарға жеңіс сыйлаған шайбаны ойынның екінші жартысында көпшілік құрамдағы басымдықты пайдаланған Адиль Бейсембаев соқты. Алаң иелерінің қақпашысы Владислав Нурек 27 соққыны қайтарды. «Горняк» сапында Владимир Кротов екінші матч қатарынан гол соқты.

«Номад» - «Горняк» 4:2 (2:2, 1:0, 1:0)

0:1 - 03:31 - Кротов (Лазарев, Юлбарисов)

1:1 - 08:01 - Двуреченский (Түсіпбеков, Мигунов)

1:2 - 11:19 - Юлбарисов (Кротов, Стулов)

2:2 - 18:39 - Ситников (Бойко, Маңғысбаев) ГБ

3:2 - 32:13 - Бейсембаев (Королёв, Шульга) ГБ

4:2 - 59:30 - Никитин

Қақпашылар: Нурек - Никитин

«Торпедо» Көкшетаудан екі ұпай алып қайтты. Өскемендік команда матч барысында үш шайба айырмасымен ұтылып жатса да, таразы басын теңестіріп қана қоймай, ойынды овертаймға жеткізіп, керемет камбэкті жеңіспен аяқтады. «Торпедоға» жеңіс әкелген шайбаларды Саян Данияр, Александр Панченко, Фёдор Хорошев және Данила Бутенко соқты. «Көкшетаулықтар» сапындағы үш нәтижелі шабуылдың барлығына Степан Санников қатысып, 1+2 көрсеткішін тіркеді.

«Арлан» - «Торпедо» 3:4 ОТ (1:0, 2:1, 0:2, 0:1)

1:0 - 00:41 - Кураков (Санников, Коротин)

2:0 - 24:39 - Санников (Басов, Коротин) ГБ

3:0 - 28:12 - Захаров (Басов, Санников) ГБ

3:1 - 37:43 - Данияр (Бутенко)

3:2 - 42:02 - Панченко (Быков, Колобов)

3:3 - 46:51 - Хорошев (Мухаметов, Жирнов)

3:4 - 62:37 - Бутенко (Гатиятов, Гусейнов) ГБ

Қақпашылар: Истомин - Осокин

«Алматы» «Ертістің» қарсылығын тек овертаймда бұзып, жеңіске жетті. Павлодарлықтар үшін бұл маусымдағы алғашқы ұпай болды. Алаң иелері сапында Адам Евлоев дубль жасады. Алайда кездесудің басты қаһарманы оңтүстік астаналықтардың шабуылшысы Савелий Ольшанский атанды. Ол хет-трик рәсімдеді.

«Ертіс» - «Алматы» 3:4 ОТ (1:1, 2:1, 0:1, 0:1)

1:0 - 02:35 - Евлоев (Пак, Акпирганов)

1:1 - 17:14 - Ольшанский (Рымарев)

2:1 - 23:47 - Евлоев (Пидяшов, Акпирганов)

2:2 - 37:00 - Потырка (Литовченко, Дьяченко)

3:2 - 38:55 - Гулый (Завьялов)

3:3 - 54:22 - Ольшанский (Рымарев, Литовченко) ГБ

3:4 - 62:04 - Ольшанский (Литовченко) ГБ

Қақпашылар: Коваль - Осипов

---

ВКонтакте, Инстаграм < Бізге қосылып, Pro Hokei Ligasy жаңалықтарын өзіңізге ыңғайлы платформалардан оқыңыз.